xoves, 5 de outubro de 2017

O día 20 de outubro a Columna Galega das MMdD imos a Asturies por DIGNIDADE E VERGOÑA…“Premios de la VergÜEnza”.

Tal e como temos acordado na xuntanza de Comisión Coordinadora Galega das Marchas da Dignidade en Compostela o día 5 de setembro, o vindeiro 20 de outubro mobilizámonos en Galiza para sumar Dignidade do Pobo no rexeite estatal ós premios da Vergoña:
[“VergÜEnza”].

O Premio Princesa de Asturies á Concordia 2017 outorganllo a Unión Europea!!!
Este premio, din que se concede a quen desenvolva un labor que “contribúa, de xeito extraordinario e a nivel internacional, á defensa e xeneralización dos dereitos humanos, ó fomento e protección da paz, da liberdade, da solidariedade, do patrimonio mundial e, en xeral, ao progreso da humanidade”.

Velaiquí o xurado que deliberou e concendeu o premio nesta categoría:  “PREMIO DA CONCORDIA”
Teresa Mallada, Presidenta de Hunosa, Antonio Brufau Niubó. Presidente de Repsol, Sol Daurella Comadrán. Presidenta de Coca-Cola European Partners, José Manuel Entrecanales Domecq. Presidente Executivo de Acciona.
Está ben as claras que está composto por persoas que tamén se caracterizan por desenvolver ese labor de xeito extraordinario.

É de coña!!!, insultante para calquera persoa con DIGNIDADE.

Unha provocación en toda regla. Distínguese, nada menos que co PREMIO A CONCORDIA, a unha institución que pon alambradas e pecha fronteiras, que somentes amosa xenerosidade e sumisión co capital en tanto fomenta a desigualdade e a insolidaridade entre as persoas, e entre os pobos, impoñendo reformas laborais, recortes de servizos públicos..., e asfixiando á clase traballadora para pagar unha débeda que non é nosa.

A Columna Galega das MMdD imos aló.
Haberá autocares para o día 20 (ida e volta no día) ó prezo de 5 euros. Unha vez organizada a viaxe informaremos neste mesmo blogue das distintas paradas e horarios.  
ANÓTATE XA NO FORMULARIO PUBLICADO ON LINE.
https://docs.google.com/forms/d/e/1FAIpQLSeHtzYMlzV_ZDvhHa3kEe2qWtBnmuNdgNFwK8SSbISmZzEKZw/viewform

Ningún comentario:

Publicar un comentario