luns, 29 de decembro de 2014

PRÓXIMA ASEMBLEA ESTATAL DAS MARCHAS DA DIGNIDADE O 17 DE XANEIRO DE 2015 EN CANGAS DO MORRAZO.

Tal e como acordamos a Comisión Coordinadora Galega das MMdD na xuntanza do pasado 22 de decembro en Compostela, o sábado 17 de xaneiro de 2015 vaise celebrar en Cangas do Morrazo, a Asemblea Estatal de Coordinación das MMdD.
O acto terá lugar no Salón de Actos do Concello de Cangas, en xornada de mañan e tarde.
Instantanea da Asemblea celegrada en Mérida no  derradeiro mes de Xuño...
A esta asemblea, a primeira que se celebra en Galiza, está prevista a asistencia das distintas representacións das organizacións e nacións do estado español integrantes deste movemento. En breve publicaramos os asuntos a tratar, e a orde do día.
Como prólogo deste encontró, o venres, 16, as 20:00 horas, está prevista a celebración dun acto público, onde tomarían a palabra distintxs portavoces das organizacións sindicais, sociais ou políticas integradas nas MdD. Xa están confirmadas o SAT de Andalucía e a IAC de Catalunya. Na medida que se vaia pechando o formato final do acto iremos informando.
Informa:  A comisión organizadora - Plataforma das MMdD do Morrazo.  

XUNTANZA DA COMISIÓN COORDINADORA GALEGA DAS MMdD O 22 DE DECEMBRO EN COMPOSTELA. -- RESUMO DOS ACORDOS E NOVA CONVOCATORIA PARA O 12 DE XANEIRO 2015

Celebrouse a xuntanza  en Compostela o luns 22 de decembro.

Asisten ós seguintes colectivos e organizacións: Ecoar, CUT, S.Elevación, Plataforma da Estrada, STEG, CGT,  Plataforma de Pontevedra, SLG, Xeira, PCG, Anova, Sindicato Ferroviario, XX.CC, Esquerda Unida, F. Cívica-SM, e Plataforma Ferrolterra


1.- Valórase como moi positivo o resultado do Ocupemos o Obradoiro.
2.- Tralo extenso informe remitido a todas as organizacions da xuntanza estatal do 13 de Nadal en Vallecas, Debátese a folla de ruta alí aprobada na coordinación. Plantéase con moito debate que dito deseño haberá que entendelo como axenda para todo ano 2015, onde o éxito de cada unha das convocatorias terá que ver coa seguinte. Ademáis do apoio e participación como MMdD en distintos eventos sectoriais, as pautas máis importantes serían as seguintes:
A).- 21 de marzo. Manifestación a Madrid no formato do 22 de marzo pasado. Quédase de adiantar propostas para o traballo de convocatoria: deseño técnico e organizativo, loxístico, de comunicación, etc..
B).- 1º de Maio, convocado polas Marchas da Dignidade. Acórdase que o debate está aberto, entendendo que o peso da convocatoria recaerá nos sindicatos integrados nas MdD.
C).- 22 de Outubro. Convocatoria de Folga Xeral.
3.- O rexeite da convocatoria por parte de Toledo nos leva a organizar en Galicia a celebración o próximo 17 de xaneiro da Asemblea Estatal de Coordinación das MMdD. Hai dúas propostas territoriais para facerse cargo da organización, Vigo, e Cangas do Morrazo. Finalmente se consensua a proposta de que sexa en Cangas do Morrazo, donde se organice o encontro.
A Plataforma do Morrazo organizaría o evento, e os demáis colectivos e organizacións apoiarían o acto sobre todo no transporte dxs compas asistentes desde os aeroportos e a estación do tren.
4.- Acórdase unha NOVA CONVOCATORIA para xuntanza da Comisión Coordinadora Galega das MMdD, o LUNS, 12 DE XANEIRO, ás 17 h., neste mesmo local da Troita Armada, en Compostela.


xoves, 18 de decembro de 2014

HOXE NA ROLDA DE PRENSA ESTATAL DAS MARCHAS DA DIGNIDADE 22M NO ATENEO DE MADRID SE ANUNCIOU O CALENDARIO DE MOBILIZACIONS ACORDADAS NA XUNTANZA DE COORDINACION DO DÍA 13 EN VALLECAS. NO ATENEO ESTIVO O COMPAÑERIO Manuel Pérez REPRESENTANDO Á COLUMNA GALEGA. ESTE LUNS 22 DE NADAL, ÁS 17 HORAS. XUNTANZA EN COMPOSTELA.

Adxuntamos fotos non de moita calidade, sacadas co móvil, donde se pode apreciar, tal e como xa adiantaramos, a presenza do compañeiro, o que está máis a esquerda...dito queda sin ironía.






 Nas fotos vai tamen o documento resumo que alí lle entregaron aos medios. Lembrade que na vindeira semana temos xuntanza en Compostela na tardiña do luns...O luns día 22 de decembro, ás 17 horas no C.S. A Troita Armada de Compostela (Rúa Pombal 18). Xuntanza da Comisión Coordinadora Galega das Marchas da Dignidade. A orde o día proposta e a seguinte:
1.- Acordos da Asamblea de Madrid, (13 de Decembro)
2.- Propostas de actuación da Columna Galega.
3.- Asemblea Estatal de Coordinación, día 17 de xaneiro en Galicia.
E moi importante que estemos todas e todos para debatir e acordar.


martes, 16 de decembro de 2014

ONTE, NA XUNTANZA DA PLATAFORMA DE VIGO DAS MARCHAS DA DIGNIDADE SE FIXO A VALORACION DAS MOBILIZACIONS DO 29-N E MÁIS A ENTREGA DO PREMIO DAS RIFAS VENDIDAS EN VIGO -CESTA CON PRODUCTOS GALEGOS - QUE RECAEU NA RIFA NUMERO 002 TAL E COMO SE INFORMARA XA NESTE BLOGUE O DÍA 1 DE NADAL..

O 1 de Nadal publicamos neste blogue o resultado do sorteo no que se rifaba unha cesta con productos da terra e do mar - productos galegos- .  O sorteo foi realizado no retorno dos autobuses a Vigo o 29N,  tras o Ocupemos  o Obradoiro.
Como se anunciara a rifa premiada foi a que leva o numero 002 e o premio recaeu no conocido activista vigués, Manolo Garrido, que participa na Plataforma local en representación de AGABO pero que foi agraciado pola compra de rifas que fixo a título individual presentando hoxe a papeleta premiada para recoller o seu premio.
Tras a entrega que se efectuou nun aparte da  xuntanza da Plataforma local,  o compañeiro Garrido anunciou que o contido da cesta vai a ser doado e entregado a  Rede Solidaria Popular de Vigo. (RSP)   http://www.reddesolidaridadpopular.org/red/vigo.
Unha  rede solidaria, comprometida con Vigo,  que está traballando arreo a prol dos máis febles ca que Manolo, con este xesto, quere amosar tamen a súa solidaridade.

Doutra banda, nesta xuntanza, se fixo un análises, e valoración, da movilización do 29N muy positivo resaltando, ao mesmo tempo, algunas eivas que hai que correxir na programación e realización do traballo encomendado as distintas organizacions que conformamos a plataforma local tendo en conta, comparativamente, o resultado da mobilizacion a nivel xeral, de algunhas localidades e comarcas concretas, e o potencial mobilizador que ten a cidade de Vigo.
Pechamos o balance das contas locais desta mobilización cos abonos e pagos pendentes de rifas, chapas, pancartas, compensación das plazas non cubertas de autobús, etc… resultando, ao fin e ao cabo, ainda un pequeño remanente para seguir traballando e, con isto,  tamen se valorou a necesidade de aportar como plataforma local os 20 euros que nos adxudican dende a plataforma galega nas contas nacionais como  pendentes de pago pero,  tendo en conta  que ninguna plataforma local fixo efectivo abono algún, se considera necesario aclarar esta cuestión.
O compañeiro Costoya fixo un pequeño avance do tratado e acordado na xuntanza a nivel estatal das Marchas 22M que tivo lugar o sábado 13 na parroquia S.Carlos Borromeo de Vallecas adiantando alguns dos acordos sobre a folla de ruta das movilizacióna para 2015 que nos vai a levar á convocatoria de unha folga xeral para o outono e comprometendose a enviar copia do informe, máis ou menos detallado, que sobre o acordado está elaborando para a Plataforma Galega das Marchas  en cuio nome e representación asistiu a esta xuntanza.
No  obstante adiantouse nesta xuntanza que quedou sobre a mesa estatal unha oferta para  celebrar unha próxima xuntanza estatal das Marchas en Galiza e niste senso acordouse por parte de esta Asemblea Local de Vigo postularse como organizadora, cando toque, e trasladar así este acordo na vindeira xuntanza nacional da Plataforma Galega das Marchas.

martes, 9 de decembro de 2014

A COLECTA DA DIGNIDADE CUMPRIU COS SEUS OBXECTIVOS. O VINDEIRO DÍA 11 NA XUNTANZA DA COMISIÓN COORDINADORA DAS MARCHAS DA DIGNIDADE, TODA A INFORMACIÓN, E O ACTA DE RECONTO, SOBRE A COLECTA SOLIDARIA DO 29N NA PRAZA DO OBRADOIRO

Porque "AUTOFINANCIARSE NON ATA" , acordamos facer unha colecta solidaria o mesmo día 29 na Praza do Obradoiro para contribuir a sufragar os gastos extraordinarios que nos xeneraba o acto final lúdico-festivo no Obradoiro. Un acto que pretendeu, e a bó fe conseguiu, darlle o nivel que mercía tanto o esforzó e sudor deixado no camiño por tantas e tantos camiñantes como o nivel das actuacions que de xeito altruista, solidario e xeneroso nos ofreceron Cándido Pazó, Habelas Hainas, Mini e Mero, Roberto Rivas, e Ataque Escampe.

UNHA VEZ MÁIS,  GRAZAS A TODAS E TODOS.
...A TODAS AS PERSOAS QUE APETARON E ÁS QUE ALÍ ESTABAN E NON POIDERON FACELO. GRAZAS MIL!!!

Abertos os petos. e feito o reconto, nunha xuntanza dos responsables da conta común das Marchas aberta na Caixa Rural, Angel Valladares, CGT; Santiago Lamelo, da Fronte Cívica; e Jesús Liste do SF-CI, nos informan que os obxectivos marcados foron cumplidos, e na vindeira xuntanza do día 11 darán conta da situación e dos cartos recadados, que xa foron ingresados en conta o día 5 de nadal, tal e como consta na acta que levantaron e fimaron ao peche do reconto.

XUNTANZA COMISIÓN COORDINADORA GALEGA DAS MARCHAS DA DIGNIDADE EN COMPOSTELA, O XOVES, 11 DE NADAL ÁS 10:00 Hs.NA GENTALHA DO PICHEL

Lembramos que está convocada xuntanza da Comisión Coordinadora Galega das Marchas da Dignidade para o XOVES DÍA 11 DE NADAL ás 10:00H horas na Gentalha do Pichel en Compostela.
Pensamos que despois do trabalo desenvolvido na campaña do 29N, EU VOU polo conxunto das persoas e dos colectivos que integramos a Columna Galega, sería bo analizar dito trabalo con sosego e sacar conclusións para continuar coa tarefa. O vindeiro día 13 está convocada en Vallecas a Asemblea Estatal das Marchas da Dignidade.donde deberemos asistir unha representación da columna galega.
O movemento das MdD somos todxs. Por iso pensamos que é indispensable garantir a asistencia, tanto organizacións como plataformas comarcais, co criterio das convocatorias anteriores, dúas persoas por colectivo.

A orde do día proposta é a seguinte.
- Valoración do 29N.
- Situación finacieira da caixa da Columna Galega.
- Asemblea Estatal
- Convocatoria do 22M (2015)

sábado, 6 de decembro de 2014

venres, 5 de decembro de 2014

ACORDOS DA ASEMBLEA POSTERIOR AO 29N DA COORDINADORA DAS MARCHAS DA DIGNIDADE DE PONTEAREAS

O pasado martes 2 de decembro, a Coordinadora de Ponteareas das Marchas da Dignidade celebrou unha Asemblea aberta para valorar a xornada do 29N e definir as futuras  liñas de traballo.

En canto a mobilización “Ocupemos o Obradoiro”, coincidimos en que foi un auténtico éxito de asistencia, o obxectivo  máis visible foi superado, ocupamos o Obradoiro. Con todo, consideramos que o apoio as Marchas da Dignidade deberá ser máis amplo dada a situación de emerxencia social e saqueo xunto ás pertinentes demandas das Marchas. Comezamos o camiño, só nos queda seguir crecendo.

Foi un gran paso para a mobilización e organización popular a unidade que se reflectiu no Obradoiro. Mediante a cooperación, de organizacións que comparten a defensa da igualdade e colectivos que defenden dereitos e servizos atacados pola voracidade das elites, o nivel de resposta e construción de poder popular multiplícase considerablemente. Este é o camiño, ante un inimigo e causa da crise común a unidade é ineludible.

Somos conscientes de que estamos nun proceso de longo recorrido. O 29N mostramos a unidade e a forza do movemento social na Galiza e no estado pero non é suficiente, debemos gañar credibilidade, apoio e profundar no noso discurso. A nosa misión pasa por concienciar e organizar ás clases populares oprimidas, somos maioría e desta forma a vitoria é posible.

En consecuencia co momento no que se atopan as Marchas, na Asemblea da Coordinadora de Ponteareas acordamos unha serie de medidas para continuar a consolidación das Marchas da Dignidade na vila e con elo a loita por unha sociedade xusta. En primeiro lugar, definiremos o funcionamento da Coordinadora para garantir a súa autonomía en relación con elementos externos e a horizontalidade na Asemblea. Por outra parte, establecemos os seguintes eixos da nosa acción futura: 

-Comunicación externa: mesas informativas, actos para explicar as propias marchas (para o que acordaremos un documento) ou sobre temas que nos afectan como pode ser o TTIP. Tamén valoramos a necesidade de chegar ao ámbito rural.

-Implicar a máis colectivos e persoas na Coordinadora, paro o cal realizamos unha lista de contactos a realizar.

-Apoiar reivindicacións concretas dos colectivos da vila, para comezar apoiaremos a mobilización de Ponte Solidario para esixir medidas públicas que garantan unha vida digna a todas as persoas.

Estes acordos son medidas flexibles que se adaptarán tanto as circunstancias como aos acordos das Asembleas das Marchas da Dignidade do ámbito comarcal, nacional e estatal.



mércores, 3 de decembro de 2014

DE ASTURIAS A COMPOSTELA. CARTA REMITIDA POR CANDIDO GONZALEZ CARNERO, DE ASTURIES EN MARCHA, TRAS COMPARTIR CONNOSCO O 29N NO OBRADOIRO.

O pasado sábado 29 de Novembro compañeiros/as de Asturias en marcha, participamos na convocatoria de Marchas da Dignidade no Obradoiro. compartimos cos nosos compañeiros/as das catro provincias galegas un día histórico de loita e unidade, reclamando unha vez máis na Praza do Obradoiro, abarrotada de miles de persoas, Pan, Traballo e Teito
Trala importante movilización regresamos a Asturias ilusionados pola resposta cidadá, sabendo que o ocorrido en Madrid o pasado 22-M, ten a súa continuidade en resposta ás políticas criminais deste Goberno contra a maioría social máis oprimida.
A resposta social é incuestionable, e os poderes políticos e económicos, non poden seguir negando esta evidencia, aplicando máis e máis medidas de recortes contra os sectores máis vulnerables
É tempo de Dignidade. Ata agora a cidadanía, só servíalles como animais de sacrificio, ante os grandes altares do poder económico.
Hoxe o pobo debe ocupar o lugar que lle pertence, a folla de ruta do capitalismo é impoñernos as condicións de vida e traballo do século XIX, pero a clase traballadora somos maioría e esta movilización supón un novo avance na loita social, contra a sinrazón dun capitalismo insaciable.
Non somos mercancía e mentres non podamos participar das decisións económicas, non hai liberdade, nin democracia, nin estado de dereito que valla porque todo iso é incompatible co capitalismo.
Non podemos aceptar a mensaxe engañoso, de que a economía mellora ou o paro baixa, cando a realidade que sufrimos todos os días, é ver un permanente e sistemático recorte dos nosos dereitos máis elementais.
Hai que falar de dereitos dos pobres, como o estamos facendo desde o pasado 22-M e como o fixemos o pasado 29-N no Obradoiro.
O percorrido iniciado entón, son exemplos de loita que nos moven a crer aínda máis na necesidade de globalizar a loita, en temas importantes como os recortes, e de chamar á unidade de acción. A iniciativa das marchas pode, e debe ser, a ferramenta necesaria para confluír na loita social e laboral contra a irracionalidad deste sistema corrupto e criminal. Unha confluencia de forzas que nos permita recuperar o que nos roubaron e evitar que o sigan facendo.
Non son tempos de demagoxia, nin de lamentacións, nin de declaracións testimoniais, nin de resignacións, nin de dicir que hai que resistir. É tempo de vencer. É tempo de dignidade.
Así o reclamamos os miles de persoas o pasado 29-N, no Obradoiro.
 Cándido González Carnero
Asturies en marcha

martes, 2 de decembro de 2014

Marchas da Dignidade. Ocupemos o Obradoiro (Compostela, 29 de novembro)

O LOTE DE PRODUCTOS GALEGOS SORTEADOS NO MORRAZO XA TEN DONA.

Ana Seijas Rodrigues,  traballadora da conserveira Orbe-Vigo, amosa a súa faciana así de feliz e satisfeita ao recoller o seu premio.

Parabens, grazas, e bó proveito, compañeira!!


Parabens e gratitude a todas e todos, tamén, porque a pequena contribución que cada un de nós fixemos deu en que, o 29N, unha data e unha movilización histórica, xa, na Galiza, ela, ti e máis eu estivémos alí, ocupando o Obradoiro


O MANIFESTO DO 29-N "Ocupemos o Obradoiro" VIDEO COMPLETO CA INTERVENCION DO BOMBEIRO ROBERTO RIVAS (especiais agradecementos)

video
Xentileza da plataforma asturiana  que compatiron connosco esta xornada de loita no Obradoiro 
Especial agradecemento dende a Plataforma Galega das marchas á Plataforma Galega de Artes Escénicas que, con evidente éxito, levou adiante o traballo de programación e escenificación do acto de peche no Obradoiro o 29N,  e tamén, grazas mil, pola súa solidaridade, xenerosidade e altruismo a Cándido Pazó, Habelas Hainas, Mini e Mero e Ataque escampe.
Seguimos a vernos nas rúas, deica enterralos no mar...

NO SORTEO DA CESTA EN LUGO RESULTOU PREMIADA A RIFA CO NUMERO 806



O premio pode recollerse xa!!  no CS O Carneiro alado de Lugo
antes do 31 de nadal, tal e como pon na propia rifa.

RESULTADO DO SORTEO A PROL DAS MARCHAS DA DIGNIDADE NO MORRAZO. RIFA AGRACIADA NA COMARCA DO MORRAZO CO LOTE DE PRODUCTOS GALEGOS


A persoa portadora da:
 PAPELETA PREMIADA, A QUE LEVA O NÚMERO 0237 , 
pode contactar para recibir o premio, no local da CUT en Cangas ou enviando un correo a marchasdadignidade@gmail.com, sinalando 
“ RIFA PREMIADA DO MORRAZO”, para concertar a entrega.

P A R A B É N S .!!!

luns, 1 de decembro de 2014

MAL QUE LLES PESE, ESTIVEMOS ALÍ. NON O PODEN AGOCHAR. O 29N A DIGNIDADE DO POBO GALEGO OCUPAMOS O OBRADOIRO. E IMOS A SEGUIR ATE CONQUERIR PARA TODAS E TODOS PAN , TRABALLO, E TEITO.

Hoxe o blogue superou as 60.000 visitas dende que fora creado aló polo mes de febrero. Arestora o contador marca 60177.

E moita a información gráfica que corre polas redes sobor da nosa mobilización do 29N,  e son tamen moitas as felicitacions que estamos recibindo no correo electrónico das Marchas. Ainda que pretenden agochar o éxito acado. Non poden.

Reproducimos aquí unha  pequena mostra .












Hai unha morea de fotos, escollemos estas...

Estivemos alí, O 29N OCUPAMOS O OBRADOIRO, para decirlle a estos gobernos que se vaian xa!,  que estamos fartos
Estivemos alí para exercer a nosa responsabilidade como pobo,  Estamos a construir poder popular, porque O POBO É QUEN MÁIS ORDENA.
video
...un dos moitos videos aficionados que corren polas redes sociais. 
Ligazons ao que atopamos ate de agora nos medios: 
PEQUENO CORTE_NOTICIA NO TELEXORNAL DA TVG.

NOTICIAS NA PRENSA ESCRITA



NÚMERO PREMIADO RIFAS VIGO


A persoa que teña o número premiado, pode contactar para recibir a sua cesta, enviando un correo a marchasdadignidade@gmail.com, engadindo no título "rifa vigo"

¡¡Parabéns a persoa premiada!!

sábado, 29 de novembro de 2014

Miles de persoas marcharon sobre Compostela este 29N confluindo no Obradoiro, nun acto multitudinario cheo de Dignidade e un compromiso de Unidade e Loita


"Seguiremos a loitar e a medrar e aquí, ninguén sobra". Quen fala é Roberto Rivas, o bombeiro da Coruña cuxo nome saíu do anonimato ao negarse a desaloxar a anciá Aurelia Rey e a quen este sábado, convertido nun símbolo da loita contra os desafiuzamentos lle tocou, nas súas propias verbas, o "marronazo" de poñerlle voz ao manifesto das Marchas da Dignidade que  confluíron na compostelá Praza do Obradoiro. "A unidade dános forza", "cada enfrontamento entre nós, as organizacións sociais e políticas da esquerda, é unha vitoria para o réxime", proclamou Rivas ante unha praza que tornou nunha caste de mar de bandeiras de tantas cores como loitas confluíron, de novo, baixo o lema "pan, traballo e teito".

Na estela das mobilizacións iniciadas a pasada primavera as cinco columnas que camiñaron cara á capital transitaron polas rúas de Compostela xunto a persoas diversas que, a título individual ou colectivo, decidiron secundar a convocatoria contra a que, din, é unha "gran estafa provocada polo poder económico para manter os seus insultantes privilexios". Bandeiras galegas con e sen estrela e enseñas da II República Española mesturáronse cos símbolos de organizacións políticas como Anova, Esquerda Unida ou Podemos e sindicatos como a CUT, CGT, o STEG ou a CNT. Ao seu carón, a Marcha Mundial das Mulleres, o movemento veciñal ferrolán que se opón á permanencia de Reganosa na ría, persoal da CRTVG e de Correos na loita polos seus dereitos, traballadores/as de Lantero que levan 48 días en folga, traballadores afectados polo amianto, colectivos de defensa das persoas con discapacidade, a Plataforma de Afectados pola Hipoteca ou Stop Desafiuzamentos, entre outros grupos.

Todos xuntos encheron boa parte da céntrica praza compostelá -o Concello colocou valados para impedir que os manifestantes se achegasen ao Pazo de Raxoi-, á que acudiron nun ambiente a medio camiño entre a reivindicación e a festa, ingrediente que se ocuparon de poñer artistas como o grupo Habelas hainas ou os xa míticos Mini e Mero, así como o dramaturgo e actor Cándido Pazó, que actuou como mestre de cerimonias para lembrar algunhas das causas polas que, di, paga a pena entregar tempo e traballo. As verbas de Pazó suscitaron os primeiros aplausos que medraron aínda máis ao chegaren á praza os bombeiros da Coruña. "Os bombeiros si son compañeiros", aclamaron.
O bombeiro Roberto Rivas púxolle voz ao manifesto e diversas persoas achegáronse a el para darlle as "grazas"
Despois de que varios grupos de persoas se achegasen a el para, simplemente, darlle as "grazas", Rivas accedeu ao escenario para poñerlle voz ao manifesto contra "este sistema ruín e perverso" contra o que, di cómpre "loitar para cambialo". "O inimigo non é pequeno" e "ten o coñecemento científico, a educación e a xustiza" pero "nós temos a nosa dignidade e unidade para derrotalo". "Mentres non o derrotemos seguiremos a padecer os seus crimes", tales como "nenos e nenas que pasan fame" ou "bancos que botan á xente á rúa". "Estannos a deixar sen pan, traballo e teito e non debemos nin o imos permitir, temos a obriga de rebelarnos", tamén contra os que "non lles importa levar por diante paraxes naturais únicos, facer minas descomuniais e perigosas ou autoestradas que destrúan paraxes tan importantes como a Ribeira Sacra".
"Estannos a deixar sen pan, traballo e teito e temos a obriga de rebelarnos"
Nesta "loita", explicou Rivas, os "antagonismos" son un "freo". Por iso, alén do manifesto, o bombeiro coruñés achegou o relato de Eduardo Galeano sobre a Tecnología del vuelo compartido que, ao seu xuízo, ben podería marcar o vieiro polo que o traballo da esquerda social debería transitar. Nese texto o escritor uruguaio explica o xeito en que os parrulos voan en forma de letra uve: "o primeiro parrulo que levanta o voo ábrelle o paso ao segundo, que lle despexa o camiño ao terceiro" e "cando cansa, o parrulo que fai punta baixa á cola e déixalle o seu lugar a outro". "Todos se van turnando" e "ningún se cre superparrulo por voar adiante, nin subparrulo por marchar atrás".
As Marchas preparan novas mobilizacións para o vindeiro mes de marzo
A música ao vivo de Ataque Escampe serviu para poñerlle o ramo -e para facer bailar a moitos e moitas das presentes- a unha mobilización que terá o seu seguinte capítulo o vindeiro mes de marzo. "A próxima cita é o 22 de marzo de 2015", confirma un dos voceiros das Marchas en Galicia, Manuel Camaño, da CUT. Esa xornada "vai ser a seguinte referencia de mobilización" nun formato aínda por determinar pero coa intención de "sumar", que "é a única maneira de acabar coas medidas destes desvergoñados". "Estamos chegando a unha istuación sen precedentes á que lle hai que poñer couto" e "ese couto tenllo que poñer a clase traballadora e os sectores populares de Galicia e do Estado" mediante a "acumulación" das súas "forzas", reclama.

Reportaxe de David Lombao | @davidlombao en Praza Pública. | 29.11.2014

Todos os contidos textuais de Praza Pública están liberados coa licenza Creative Commons by-sa. Así pois, es libre de coller todos os textos da web, reproducilos parcial ou integramente, e distribuílos como queiras sempre que cites a súa autoría e empregues tamén a mesma licenza.

Sitio-e Galego:
http://marchasdadignidade.blogspot.com/
Sitio-e Estatal:
http://marchasdeladignidad.org/
Redes da Columna Galega:
https://twitter.com/galizaMarcha22M
https://www.facebook.com/MarchasDignidade
https://www.facebook.com/groups/265451853621237/
https://www.youtube.com/channel/UCaOvAhPYKR43taxbOKCCreg

PAN, TRABALLO E TEITO - Á RÚA, QUE XA É HORA!!!

venres, 28 de novembro de 2014

INFORMACION DE UTILIDADE PARA USUARIOS E USUARIAS DOS AUTOBUSES QUE VAMOS A OCUPAR O OBRADOIRO.

Presentamos aquí o díptico informativo para os autobuses da columna sur que viaxan dende VIGO E COMARCA
Descarga aquí documento en pdf.



NA VISPERA DO 29N ENTREVISTAS NA RADIO EN GALIZA E VISION DA MOBILIZACION A NIVEL ESTATAL DAS MARCHAS PRESENTADA NO XORNAL DIXITAL “ CUARTO PODER “

Foto dos compañeiros das Marchas de Madrid onte no Aeroporto da T4 esixindo PAN TRABALLO E TEITO e informando a quen chega que:
CHEGA AO PAIS DA CORRUPCION, DA PRECARIDADE, DO DESEMPREGO. CHEGA A ESPAÑA, O PAIS PAUPÉRRIMO…
O xornal fai un repaso das mobilizacions previstas para mañan en todo o estado adicando un párrafo a mobilizacion galega.



Entrevista a Manolo Caamaño co gallo da Marcha da Dignidade do 29N que se emitiu hoxe no magazine "Arredor de Nós" que Radiofusión distribúe ás emisoras municipais asociadas nas catro provincias.


 
Entrevista hoxe en  RADIO BOIRO  a Verónica Núñez e  Fran  Seco 
das Marchas da Dignidade do Barbanza.


AUTOFINANCIARSE NON ATA. COLECTA SOLIDADARIA, COLECTA DA DIGNIDADE

SOBOR DO CUSTE E FINANCIACIÓN DO ACTO FINAL NO OBRADOIRO O 29-N 
Sin gastar un pataco resultou o cartaz que pecha o “OCUPEMOS O OBRADOIRO” grazas ao xesto altruista, solidario e xeneroso de Cándido Pazó, Habelas Hainas, Mini e Mero, Roberto Rivas, e 
Ataque Escampe.

Foi tamén un xesto xeneroso, altruista e anónimo o que nos permitiu contratar luz , son e esceario para darlle o nivel que merece a este acto que pecha a movilización co sudor e o esforzó deixado no camiño por tantas e tantos camiñantes que imos atoparnos 0 29N na Praza do Obradoiro.

Mais de tres mil euros que agradecidos queremos devolver e por iso plantexamos facer UNHA COLECTA SOLIDARIA, UNHA COLECTA DA DIGNIDADE no mesmo Obradoiro o día 29. Porque AUTOFINANCIARSE NON ATA.

De forma VOLUNTARIA, co que se poda, si no se pode non pasa nada, temos que ser quén de autofinanciarnos. O 29 na Praza do Obradoiro haberá varias persoas, identificadas ao efecto, que con uns “petos” recolleran as aportacions que de forma voluntaria cada quén poida facer para contribuir  a continuidade das MARCHAS DA DIGNIDADE.

Temos que seguir porque a PAN TRABALLO E TEITO, O POBO TEN DEREITO.

A Columna norte XA ESTAMOS EN SIGÜEIRO!!!

Estamos preparadas para camiñar maña os 16km que nos separan do mercado do gando en Compostela para xuntarnos con toda a xente dos buses e conformar a gran columna norte para entrar no Obradoiro berrando colectivamente pan traballo e teito!! fora gobernos corruptos!! que se vaian xa!!
Como sabedes, dende A Coruña, mañá o bus sairá ás 9:00 da Praza de Ourense.
Ás 6 da mañá, sairá o grupo de ciclistas, e estaría ben que estivera alí alguén para facer fotos e darlles apoio. É madrugón, pero se alguén pode, mellor.
O punto de encontro dos buses da Columna Norte (Ferrol - Coruña) será o Mercado do Gando de Salgueiriños. De alí, ás 11:00, sairemos a pé ata o Obradoiro.